د اوولسمې ناحیې اړوند د خیر خانې کوتل سړک په اوږدو کې د ( حضرمحمد ص خضرا تاریخي او فرهنګي ګنبد) د جوړولو چارې چې، څه موده وړاندې پیل شوې وې، لا هم روانې دي. دغه ګبند چې په دایروي بڼه د ۱۰ متره په اوږدوالي او پراخوالي او د ۱۱ مترو په لوړوالي سره د پلو لارو ، د جدولونو د نصب، شنې سیمې جوړولو او نورو برخو په ګډون ډیزاین شوی دی د کابل ښاروالۍ له لوري او د یوه سوداګر هېوداوال ( حاجی بابه زندانی) په مالي ملاتړ جوړیږي، چې تر راتلونکې یوې میاشتې پورې به یې چارې بشپړې شي. د ښاري ښکلا پروګرام د ښار په بېلابېلو برخو کې د تاریخي او اسلامي ارزښتونو د ساتلو په موخه پلی کیږي او دا لړۍ لاهم روانه ده.