د دویمې ناحیې اړوند د ده افغانانو درې لارې ښکلا چارې د کابل ښاروالۍ د ټولنیزو او کلتوري چارو د مرستیال مولوي حبیب الرحمن منصور له لوري پیل شوې. د کابل ښاروالۍ د ټولنیزو او کلتوري چارو مرستیال وویل چې، د ښار په دې مرکزي برخه کې د کابل ښاروالۍ د کلتوري چارو ریاست له لوري د یوه خصوصي شرکت په مرسته د ښکلا یو سمبول جوړیږي. نوموړي له هغو سوداګرو او داخلي متشبیثینو چې، د ښاری ښکلا په پروګرام کې یې برخه کې اخیستتې ده مننه وکړه. د کابل ښاروالۍ د کلتوری چارو رئیس قاري ولي ګل جواد وویل چې، په دې درې لارې کې به د ( ۸ ) مترو په لوړوالي د ښکلا یو سمبول په بنسټیزه توګه د شاوخوا دوه میلیونه افغانیو په ارزښت تر راتلونکې یوې میاشتې پورې جوړ شي. د یاد سمبول په شاخوا کې زرغونه سیمه، د اوبو فوارې، د ښکلا څراغونه، زینتي بوټي او د کټارو او جدولونو نصبول په پام کې نیول شوي دي. د خصوصي شرکت مسئول وویل چې، د دې سمبول په جوړولو کې د هیواد له داخلي تولید شویو تیږو څخه کار اخیستل کیږي او د غوره کیفیت له مخې به یې چارې بشپړې شي. د ښار په کچه د ښاري ښکلا پروګرامونو په پلي کولو سره به د ښاریانو په رواني دید کې غوره بدلون راشي.