صدارت څلورلارې ته څېرمه د سړک د جدولونو جوړولو او نصب چارې چې، څه موده وړاندې د کابل ښاروالۍ د کار ساتنې او مراقبت ریاست له لوري پیل شوې وې، بشپړې شوې. د ترافيکي جریان د ویش په موخه په دې ځای کې د ۱۹۰ متره په اوږدوالي جدولونه په معیاري توګه جوړ شوي دي
ټاکل شوې ده د کابل ښاروالۍ د ترافیکي چارو د همغږۍ او ښاري ترانسپورټ ریاست له لوري یاد جدولونه رنګ هم شي. په همدې توګه به د زرغونتیا ریاست له لوري د یاد سړک په ګلدانونو کې چمن وکرل شي او زینتي ونې او بوټي به پکې کینول شي. د ښار په کچه د ترانسپورټي او ترافیکي زیریناو جوړول د کابل ښاروالۍ له مسئولیتونو شمېرل کیږي چې، په وروستیو کې ورته ډیره پاملرنه شوې ده.