د لښتیو د اوسپنیزو پوښونو او نورو ښاري تاسیساتو غله او هغه څوک چې له غلو یاد پوښونه اخلي،مجازات کیږي! لیدل کیږي چې، یو شمېر فرصت غوښتونکي د ښار په کچه له لښتیو اوسپنیز پوښونه غلا کوي او بیا یې پلوري. کابل ښاروالي دا موضوع په جدي توګه څیړي او له ښاریانو او امنیتي ځواکونو هم هیله لري، چې په دې برخه کې له کابل ښاروالۍ سره مرسته وکړي. هیله ده د یادو اوسپنیزو جالیو او پوښونو د غلا لیدلو پرمهال کابل ښاروالۍ ته خبر ورکړئ. د عامه تاسیساتو د غلا او ویجاړولو سرغړونکي او هغه څوک چې دا پوښونه او تاسیسات اخلي مجازات کیږي.