ښاري خدمتونو او آسانتیاو ته د ښاریانو د لاس رسي په موخه د شپاړلسمې ناحیې په څوارلسم ګذر کې د دوه کوڅو د جوړولو چارې چې څه موده وړاندې د کابل ښاروالۍ له لوري د ملګرو ملتونو د خدمتونو ادارې (UNOPS ) په مالي ملاتړ پیل شوې وې، د ژمي را رسېدو ته د تدابیرو په نیولو سره روانې دي. یادې کوڅې (۶۶۲) متره اوږدوالی لري او د لښتیو په ګډون به په بنسټیزه توګه کانکریټ شي، چې ورسره جوخت به د سیمې د خلکو د خاورو او خټو ستونزې حل شي. تر اوسه د یادې پروژې ۷۰ سلنه چارې مخته تللې دي او ډیر ژر به یې پاتې چارې هم بشپړې شي.