په تېرو ۲۴ ساعتونو کې د کابل ښاروالۍ د چاپیریالي روغتیا او چاپیریال ساتنې ریاست د مسئولانو له لوري د لومړۍ، څلورمې، پنځمې، اتمې، لسمې، یولسمې او پنځلسمې ناحیې په اړوند سیمو کې په حمامونو او لوړ پوړیزو ودانیو کې د مرکز ګرمۍ سیسټم لپاره د لوګي د تصفیې فلټر له څرنګوالي څارنه او پلټنه وشوه له سرغړونکو ژمنه واخیستل شوه، څو هر څه ژر د مرکز ګرمۍ له سیسټم د ګټې اخیستنې پر مهال د لوګي د تصفیې فلټر نصب او فعال کړي. کابل ښاروالي یو ځل بیا هغه کسانو ته چې د هوا د ککړتیا سبب ګرځي، خبر ورکوي چې، په خپلو سیسټمونو کې د لوګي د تصفیې فلټر نصب کړي، له دې پرته به له جدي قانوني چلند سره مخ شي.