د کابل ښاروالۍ د تنظیف ریاست هره ورځ له دوه ویشت ګونو ناحیو څخه شاوخوا (۱۰۰۰) مټریک ټنه کثافات راټولوي او له ښار څخه یې د باندې ګزک سیمې ته لیږدوي. په هره اونۍ کې د دوه ناحیو تنظیفي وروسته پاتې والۍ د یاد ریاست له لوري جبران کیږي. د تنظیف ریاست ډیرې سرچینې د کثافاتو راټولولو او د لښتیوپه پا کولوکې کارکارول کیږي. د سړکونو او واټونو جارو کول د تنظیف ریاست د کارکوونکو بله دنده ده، چې شپه ورځ له سلګونو کیلو مترو ډیر سړکونه او واټونه پاکوي. د یوشمیر بې مسوولیته ښاریانو له خوا په سړکونو او عامه ځایونو په تیره لښتیو کې د کثافاتو غورځول، هغه ناوړه کړنې دي، چې له امله یې د تنظیف ریاست زیارکښه کارکوونکي ډیرې ستونزې زغمي. کابل ښاروالۍ، پاک او ښایسته ښارته د رسېدو په موخه د ښاریانو مرسته اړینه بولي.