د کابل ښاروالۍ د چاپېریال ساتنې ریاست کارکوونکو، د کابل ښار هوا د ککړتیا د مخنیوي او کمښت په موخه، په تېرو دوو کاري ورځو کې، د ۴۸ ودانیو او حمامونو د تودوخې او مرکزګرمیو د فلټر دفعالیت له څرنګوالی څخه څارنه وکړه او په دې برخه کې یې سرغړونکو ته د اړینو مشورو ورکولو سربیره، له هغو څخه ژمنه واخیستل شوه څو د مرکز ګرمۍ سیسټم د فعالیت پر وخت د لوګي د تصفیې فلټر فعال کړي. له څه مودې راهیسې د کابل ښاروالۍ له خوا د چاپېریال د پاک ساتلو په موخه، هڅې ګړندۍ شوې چې په پایله کې یې د هوا د ککړتیا ځینې لاملونه اصلاح او دمرکز ګرمیو سیستم د لوګي د تصفیې په فلټرونو سمبالې شوي دي