د پنځمې ناحیې اړوند د خوشحال خان مېنې د نښلوونکي سړک د جوړېدو چارې چې، قلعه وزیر د کمپنۍ - قرغې له څلوېښت متره سړک سره نښلوي، روانې دي. یاد سړک (۱۰۵۰) متره اوږدوالی او ( ۳۰) متره پراخوالی لري، چې، د یوه معیاري سړک د ټولو برخو په ګډون جوړیږي، او اوس مهال یې (۹۰) سلنه چارې بشپړې شوې دي. په همدې توګه د قمبر څلورلارې له بلاکونو تر کمپنۍ پورې سړک هم چې (۹۵۱) متره اوږدوالی او (۳۰) متره پراخوالی لري، د جوړېدو په حال کې دی چې تر دې دمه یې( ۳۰) سلنه چارې مخته تللې دي. د کابل ښاروالۍ مشرتابه او اړوند کارکوونکي هڅې کوي، څو د یادو سړکونو چارې ژر بشپړې او ګټې اخیستنې ته وسپارل شي د یادو سړکونو په جوړېدو سره به د سیمو ترافیکي بهیر تنظیم او ورسره جوخت به د ور څېرمه سیمو اوسېدونکو ته آسانتیاوې رامنځته شي