د اتمې ناحیې اړوند، شاه شهید، حضوري چمن، د کارته نو په بازارونو او نورو له ګڼه ګوڼو ډکو سیمو کې ښاري نظم رامنځته او ښاریانو ته ښاري آسانتیاوې رامنځته شوې دي. په یادو سیمو کې د ښاري نظم د تلپاتې کېدو په موخه، ګرځنده پلورونکو ته ثابتې کراچۍ وېشل شوې دي. په همدې توګه هغه ګرځنده کراچۍ او د لیني موټرو خپلسري تم ځایونه، چې د سړک او لارو د بندېدو لامل ګرځيدلي وو، تنظم او بدیلو سیمو ته ولېږدول شول. د اتمې ناحیې مسئولان د ښاري نظم سربېره د فعالیت کوونکو له حفظ الصحې څخه هم دوامداره څارنه کوي. ښاري ژوند په یو لړ اصولو او مقرراتو پورې تړلی دی، چې په پام کې نیولو سره یې سوکالي رامنځته کیږي، نو اړتیا ده چې ټول یې په پام کې ونیسو