د ښاري تاسيساتوله ویجاړیدو څخه د مخنیوي او د جذب وړ سیمو کې د واورو د زیرمه کولو په موخه، په پنځمه ناحيه کې د واورو پاکولو حشر ترسره شو. په دې حشر کې د یادې ناحیې له مسوولانو سربیره، د ګذروکيلانو او ځوانانو شورا ګانو غړو برخه احیستې وه، چې په پایله کې له يو شمېر سړکونو اوپلو لارو څخه واورې پاکې او د جذب وړ سيمو کې یې زېرمه کړې. د پنځمې ناحيې مرستيال رفيع الله احمدزي وويل، چې ښاريانو ته په کار ده څو د خپلو بامونو واوره سړکونو او پلو لارو ته ونه غورځوي، ځکه له یوې خوا د عامه تاسیساتو د ویجاړیدو لامل ګرځي او بل خوا، د ښاریانو د تګ را تګ په وړاندې ستونزې او خنډونه رابرسیره کوي ښاریان باید واوره د جذب وړ سیمو کې زیرمه کړي ترڅو د ځمکې لاندې اوبه پیاوړې او دوی ته ښه راتلونکي چمتو کړي