د ښاري نظم کمیسیون د ګډو عملیاتو په ترڅ کې، د څلورمې ناحیې اړوند د میوې مارکیټ سیمه له ښاري بې نظمیو څخه پاکه شوه. ددغو عملیاتو په ترڅ کې د سړکونو، پلولارو او شنو سیمو پر وړاندې خنډونه پاک او د موټرو خپلسري تمځایونه او ګرځنده پلورونکي چې، عام سړکونه یې بند کړي وو، په ټاکلو ځایونو کې تنظیم شول. همدا راز په سیمه کې ټولو فعالیت کوونکو ته سپارښتنه وشوه چې، له دوې وروسته خپل توکي د خرڅلاو په موخه، پلو لارو ته راونه باسي، ځکه دغه شان خپلسري له ښاري اصولو او مقرراتو څخه سرغړونه ده او همدا شان دوی ته اړینه ده چې د خپل فعالیت په سیمه کې نظافت ته پاملرنه وکړي. له دې وروسته به په یاده سیمه کې ښاري نظم تل څارل کیږي او سرغړونکي به له قانوني چلند سره مخ شي