د ښاریانو د تګ راتګ پر مهال د آسانتیاوو رامنځته کولو په نیت، د دوه ویشتمې ناحیې اړوند ځينو سیمو کې ښاري نظم رامنڅته شوی دی. د یادې ناحیې په بازارونو کې د ښه ښاري نظم درامنځته کولو په موخه، په ځانګړې توګه د بټ خاک په څلور لارې کې، یو شمیر ثابتې کراچې ویشل شوې او د ګرځنده پلوروونکو فعالیتونه خوندي او تنظیم شوي دي همدا راز هغه ګرځنده کراچۍ او لیږدوونکي موټر، چې د بت خاک په څلورلارې کې د سړکونو او پلو لارو د بندیدو لامل شوي وو، په ټاکلو ځایونو کې تنظیم شول. د اصنافو د فعالیت په سیموکې د نظافت او پاکولي څرنګوالی، د یادې ناحیې د کارکوونکو له خوا څارل کیږي. د یادولو وړ ده چې، ښاري ژوند ځانته ځانګړي اصول او مقررات لري چې باید په پام کې ونیول شي