د کابل ښار د نهمې ناحيې مسوولانو د صنعتي پارکونو په سيمه کې، (۳) جریبه غصب شوې ځمکه، چې د سړک او شنې سیمې لپاره ځانګړې شوې وه، بېرته راوګرځوله او د غاصبينو له خوا په کې جوړ شوي غير قانوني تاسيسات يې ویجاړ کړل. د نهمې ناحيې رییس حافظ حيات الله حيات په دې اړه وويل، چې يو شمېر غاصبينو د سړک او شنې سیمې لپاره ځانګړې شوې درې جريبه ځمکه په غير قانوني توګه غصب کړې وه او ناقانونه تاسيسات یې پکې جوړ کړي وو.، چې دې کار سړک هم بند کړی وو. د دغې ځمکې په پاکولو سره به سړک د ترافیکو پر مخ بیرته پرانیستل شي او په شنه سیمه کې به نیالګي کېنول شي. فرصت غوښتونکو او غاصبینو ته وخت نه ورکول کیږي چې د دولتي ځمکو او عامه ملکیتونو په غصب لاس پورې کړي