د ښاري نظم کمیسیون د لسمې ناحیې اړوند، د ټایمني، قلعه فتح الله، پایکوب نسوار، سلیم کاروان، د شهید هنګرها څلورلارې سړکونه او نورې اړوند سیمې د ښاري بې نظمیو له شتون څخه پاکې کړې. د لسمې ناحيې مرستيال قاري عبدالحى شهيدزى وايي، چې په دې عملياتو کې، د هټیوالو له خوا د سړک په غاړو کې رامنځته شوي خنډونه ویجاړ او پاک شوي دي. همدا راز د په یادو سیمو کې فعالیت کوونکو ته لارښوونه وشوه چې، شنې سیمې، سړکونه اوپلې لارې د خلکو ملکیت دی او باید د شخصي ګټو لپاره ونه کارول شي. سرغړوونکي تادیب او د چاپیریال د پاکوالي او ښاري مقرراتو د مراعات کولو په اړه معلومات ورکړل شول له دې وروسته به یادې سیمې د پخوا په پرتله زیاتې څارل کېږي او له سرغړوونکو سره به قانوني چلند وشي