د دریمې ناحیې اړوند په یو شمیر سیمو کې د یادې ناحیې د اوسیدونکو په ملتیا ، تنظیفي حشر ترسره شو، چې په پایله کې یې شنې سیمې، کوڅې او سړکونه د کثافاتو له شتون څخه پاک شول. په دې ګډ کار کې، شنې سیمې د زرغومنتیا د پراختیا لپاره چمتو شوې او راټول شوي کثافات د کابل ښاروالۍ د تنظیف ریاست د ماشینرۍ په واسطه له ښار څخه بهر ولیږدول شول. د یادې ناحیې ګڼ شمېر اوسیدونکي د کابل ښاروالۍ د مسئولانو تر څنګ ولاړ دي او غواړي چې، د ښاري مدیریت په برخه کې له دې لویې خدماتي ادارې سره مرسته وکړي. د دریمې ناحیې اوسېدونکو وویل، چې د خپلو سیمو پاکولو او زرغونتیا ته به پاملرنه وکړي او په دې برخه کې به له کابل ښاروالۍ سره اوږه په اوږه کار وکړي. ځکه په یوازې توګه کابل ښاروالۍ نه شي کولای پاک او زرغون کابل ښار رامنځته کړي