د کابل ښاروالۍ له لوري د روږدو کسانو، ښاري بې نظمیو او دکثافاتو له شتون څخه د پل سوخته سیمې تر پاکولو وروسته، په یاده سیمه کې د ښاري ښکلا پروګرام د پلي کولو چارې پیل شوې دي، څو په دې ځای کې غوره بدلون رامنځته شي. د پل سوخته سیمې د ښکلا په چارو کې د یو شمېر ښاري تاسیساتو بیارغول،د کټارو رنګول او نورې برخې شاملې دي، چې د هوا له ښه کېدو سره سم به یې چارې بیا ځلي پېل شي. اوس مهال د کابل ښاروالۍ د ترافیکي چارو د همغږۍ او ښاري ترانسپورټ د مسئولانو له لوري، د (۱۰۰۰) متره په اوږدوالي د دغه پله د کټارو رنګولو چارې روانې دي څه موده وړاندې د پله جدولونه رنګ شوي وو او ټاکل شوې ده د نیالګیو کینولو په موسم کې د یادې سیمې زرغونتیا، د نیالګیو او زینتي بوټو کینولو ته هم پاملرنه وشي