د ښاري نظم کمیسیون د نهمې ناحیې اړوند ددریم او څلورم مکرویانونو سیمې او د هوايي ډګر سړک د ښاري بې نظمیو له شتون څخه پاک کړل. د نهمې ناحیې رییس حافظ حیات الله حیات په دې اړه وویل چې، غصب شوې شنې سیمې، ګلدانونه ، بند شوي سړکونه او پلې لارې له ښاري بې نظمیو او خپلسرو تاسیساتو څخه پاک کړل شول، چې ورسره جوخت د سیمې به بڼه کې د پام وړ مثبت بدلون راغلی دی. نوموړي زیاته کړه چې، په دې عملياتو کې هغه ګرځنده پلورونکي او لاسي کراچۍ، چې دعامه لارو د بندښت او د ښاري نظم د ګډوډکولو لامل ګرځیدلي وو، و لېږدول شول او په نږدې راتلونکي کې به بديلو سيمو کې تنظیم شي. د ښاري نظم کمیسیون چې، د بیلابیلو ادارو له استازو څخه جوړ دی، خپل عملیاتي پلان په بشپړې همغږۍ سره په بیلابیلو برخو کې د ښاري نظم د ښه والي په موخه پلي کوي