وَلا تَقُولُوا لِمَنْ يُقْتَلُ فِي سَبِيلِ اللَّهِ أَمْوَاتٌ بَلْ أَحْيَاءٌ وَلَكِنْ لا تَشْعُرُونَ
د افغانستان مجاهد ولس ته د پخواني شوروي اتحاد د ماتې د ۲۶مې کلیزې د را رسیدو په مناسبت، مبارکي وایم. په همدې ورځ (د ۱۳۶۷ لمریز کال د سلواغې په ۲۶مه نیټه) د پخواني شوروي پوځیان، چې زموږ په خاوره یې یرغل کړی وو، د افغانستان مسلمان ملت د جهاد او مقاومت په پایله کې، له هېواد څخه وشړل شول. له دې ورځې څخه نمانځنه، په حقیقت کې د هغو اتلانو ویاړنو او سرښندنو ته درناوی دی، کوم چې د خپل هېواد، خاورې او ولس څخه د ساتنې په پار یې خپلې وینې تویې کړې، خپل سرونه قربان کړل، خو یرغلګر سره پوځ ته یې ماته ورکړه او هغوی یې په ګونډو کړل موږ د خپل هېواد په تاریخ کې دا ورځ نه ده هېره کړې او له لوی څښتن تعالی څخه د دې خاورې شهیدانو ته د فردوس جنت غوښتنه کوو موږ دا دعا کوو چې، د دې خاورې د شهیدانو د لوړ مقام په برکت، په هېواد کې د آبادۍ او هوساینې لپاره لا ډیره زمینه برابره شي