د ځمکې د سر اوبو د مدیریت او د عامه تاسیساتو له ویجاړېدو څخه د مخنیوي په موخه، د کابل ښار په بېلابېلو ناحیو کې د بندو لښتیو د پاکولو چارې روانې دي. هیله کیږي څو، ښاریان په لښتیو او کانالونو کې کثافات، خاورې او خځلې ونه غورځوي، ځکه د دوی د دې کار له امله لښتي بندې او اوبه سړکونو ته راپورته کیږي، چې بیا د سړکونو د ژر ویجاړېدو لامل ګرځي. د روان کال د ژمي له پیل څخه تر اوسه سلګونه کیلو متره اصلي او فرعي لښتي له کثافاتو، خاورو او خټو څخه پاک شوي دي، خو له بده مرغه د ښاریانو د بې پروایۍ له امله بېرته بند شوي دي، چې د دوی د دې کار له امله د کابل ښاروالۍ خورا ډیرې مالي او بشري سرچینې د لښتیو په پاکولوکې مصرف کیږي. په لښتیو کې کثافات او د نورو بیکاره توکو اچول، لویه ښاري سرغړونه ده