په پل سوخته سیمه کې د زرغونتیا پلان پلي کولو په موخه، د کابل ښاروالۍ د ښاري خدمتونو او چاپیریال ساتنې مرستیال مولوي محمد خالد سجستاني له یادې سیمې لیدنه وکړه او مسئولانو ته یې لازمې سپارښتنې وکړې. د ګلدانونو جوړول، دخاورې لېږد، د بېلابېلو نیالګیو، مرسل ګلانو او نورو زینتي بوټو اېښودل او چمن کرل، د پل سوخته سیمې د زرغونتیا په پلان کې شامل دي. د ښاري خدمتونو او چاپیریال ساتنې مرستیال وویل چې، په ښاري سیمو کې د زرغونو سیمو پراختیا او رامنځته کول خورا ډېر ارزښت لري او په دې سیمه کې به هم زرغونتیا ته ځانګړې پاملرنه وشي