ښاریانو ته د ستونزو له جوړېدو څخه د مخنیوي په موخه، د بره کي څلورلارې او ترافیک څلورلارې تر منځ د غځیدلي سړک د بیارغونې چارې د کابل ښاروالۍ د کار، ساتنې او مراقبت ریاست له لوري په بنسټیزه توګه د شپې مهال ترسره شوې. د کار، ساتنې او مراقبت ریاست رئیس مولوي عبدالحبیب وویل چې، د ښاري تاسیساتو د بیارغونې چارې روانې دي. هغه سړکونه چې بنسټیزې بیارغونې ته اړتیا لري، تر تخنیکي او فني مطالعاتو وروسته به یو پر بل پسې بیا ورغول شي. د هغه سړکونو په اوږدو کې چې، ترافیکي بهیر یې مهم وي، د بیارغونې چارې یې د شپې مهال ترسره کیږي