د اوولسمې ناحیې اړوند خیرخانې کوتل په اوږدو کې د کابل ښاروالۍ د زرغونتیا ریاست له لوري د آزادۍ پارک د بیارغونې چارې پیل شوې. یاد پارک (۷۹۷۶۲،۵) متر مربع پراخوالی لري او د کابل په شمال کې له مهمو پارکونو شمېرل کیږي. د آزادۍ پارک د بیارغونې په چارو کې د ونو اصلاح، د کرنیزې خاورې بدلول، د بېلابېلو نیالګیو کېنول او چمن کرل شامل دي. په یاد پارک کې مخکې د کابل ښاروالۍ له لوري بېلابېل نیالګي کېنول شوي او ساتنه یې شوې ده، چې په راتلونکې کې به دنیالګیو او زینتي بوټو شمېر لا ډېر او پراخه شي