د نیالګیو کېنولو کمپاین پر دوام، د دولسمې ناحیې په کچه د نیالګیو کېنولو چارې د کابل ښاروالۍ د ټولنیزو او کلتوري چارو د مرستیال مولوي حبیب الرحمن منصور، د زرغونتیا رئیس مولوي عبدالوکیل متوکل ، د دولسمې ناحیې د رئیس مولوي سحرګل نقشبندي، دیني عالمانو، ځوانانو، ګذر وکیلانو او د یادې ناحیې د ګڼ شمیر اوسېدونکو په ګډون د احمدشاه بابا مېنې د دریم بلاک له پارک څخه پیل شوې. د کابل ښاروالۍ د ټولنیزو او کلتوري چارو مرستیال د خپلو خبرو په ترڅ کې د کابل ښار په آبادۍ او ښکلا کې د ښاریانو رول مهم وباله او له دوی څخه یې غوښتنه وکړه چې، د نیالګیو کېنولوفرصت له لاسه ورنه کړي؛ ځکه د ونو کېنول جاری صدقه ده او زرغونې سیمې د انسان په ژوند کې خورا ډېر ارزښت لري. د کابل ښاروالۍ د زرغونتیا او د دولسمې ناحیې رئیسانو هر یوه په خپلو خبرو کې وویل چې، دکابل ښار دزرغونتیاد په پار به د دې ناحیې په بېلابېلو سیمو کې نیالګي کېنوي. د دولسمې ناحیې اوسېدونکو ژمنه وکړه چې، د نیالګیو په کېنولو او خړوب کې به له کابل ښاروالۍ سره مرسته کوي او په دې برخه کې به خپله ملي او دیني دنده ادا کړي