د ښاري ښکلا او د زرغونو سیمو د پراختیا په پار، د لسمې ناحیې د بېلابېلو ګذرونو اوسېدونکو د سلګونو نیالګیو په چمتو کولو سره ،د یادې ناحیې اړوند د ښاري سیمو په زرغونتیاکې برخه واخیسته. د لسمې ناحیې رئیس مولوي نورالوهاب وویل چې، دغه نیالګي د یادې ناحیې د اوسېدونکو له لوري چمتو شوي دي چې، له ناحیې سره په همغږۍ به د وزیرمحمد اکبرخان پر تپه، وزیرمحمد اکبرخان پارک، د قلعه خاطر پر تپه او له سلیم کاروان تر شهید هنګرها څلورلارې د سړک منځ ګلدانونو کې کېنول شي. د سیمې اوسېدونکو ژمنه وکړه چې، د کېنول شویو نیالګیو څخه به په دوامداره توګه ساتنه کوي. د لسمې ناحیې مسئولان هڅه کوي، څو ښاریان د ښار آبادۍ او زرغونتیا ته وهڅوي