د ښار په کچه د نیالګیو کېنولو کمپاین پر دوام، د دوه ویشتمې ناحیې په اړوند سیمو کې د نیالګیو کېنولو چارې د دوه ویشتمې ناحیې د رئیس مولوي قمرالدین (طالب جان غازي)، د زرغونتیا ریاست مرستیال سراج الدین پټان، دیني عالمانو، ګذر وکیلانو، ځوانانو او د سیمې د اوسېدونکو په ګډون د بګرامیو له سیمې څخه پیل شوې په یادو مراسمو کې د زرغونتیا ریاست مرستیال د زرغونو سیمو د ارزښت په اړه خبرې وکړې او د دوه ویشتمې ناحیې له اوسېدونکو یې وغوښتل چې، د نیالګیو په خړوب او ساتنه کې له کابل ښاروالۍ سره مرسته وکړي. نوموړي زیاته کړه چې ،د یادې ناحیې زرغونو سیمو ته پراختیا ورکول کیږي او اړینه ده په دې برخه کې ښاریان هم خپل مسئولیت ادا کړي. د دوه ویشتمې ناحیې رئیس ژمنه وکړه چې، د یادې ناحیې د اوسېدونکو په مرسته به په بېلابېلو ګذرونو کې سلګونه نیالګي کېنوي