ښاري او ترانسپورټي آسانتیاو ته د ښاریانو د لاس رسي په موخه، د کابل ښاروالۍ له لوري او د ملګرو ملتونو د پروژوي دفتر (UNOPS) په مالي ملاتړ د (۷۸) زره امریکایي ډالرو په لګښت په دویمه ناحیه کې د پنځو نښلونکو فرعي سړکونو د جوړولو چارې پیل شوې. د دویمې ناحیې رئیس مولوي شبیراحمد صابر وویل چې، دغه نښلونکي سړکونه د یادې ناحيې اداري ودانۍ ته څېرمه د کارته آریانا او بیني نېزار سیمې په (۴) او (۵) ګذرونو کې د ۴۰،۱۸۶،۷۳،۹۲ او ۴۳ متره په اوږدوالي او بېلابېل پراخوالي سره چې، په ټوله کې (۴۳۴)متره کیږي په بنسټیزه توګه جوړیږي. نوموړي په راتلونکو ورځو کې د دوه نورو نښلونکو سړکونو دجوړولو خبر هم ورکړ چې، ددغو سړکونو په جوړیدو سره به د سیمې د اوسیدونکو ترانسپورټي او سیمه یيزې ستونزې حل شي. د یادو سړکونو انجنیر وویل چې، په دې پروژه کې (۶۶۸۶)تنو ښاریانو ته کاري زمینه برابریږي او د پروژې چارې به د لښتیو په ګډون په (۶۰) کاري ورځو کې بشپړې شي