د کابل ښار د زرغونتیا په برخه کې د بنسټونو او ادارو له لوري د مرستو پر دوام، اتصالات مخابراتي شرکت د مورپان د ۱۵۰۰ نیالګیو په مرسته کولو سره د ښار په زرغونتیا کې برخه واخیسته. د لسمې ناحیې رئیس د یاد شرکت له مسئولانو څخه مننه وکړه او ویې ویل چې، دا نیالګي به په وزیرمحمد اکبرخان پارک او نورو سیمو کې کېنول شي. ورته مهال د لومړۍ ناحیې رئيس او د ښاري نظم کمیسیون غړي مولوي محمد عالم عاصم وویل چې، اړینه ده ټول ښاریان په ځانکړې توګه سوداګر او متشبیثین د ښار د ښکلا او زرغونتیا په برخو کې د دیني مسئولیت او هېوادنۍ مینې له مخې له کابل ښاروالۍ سره همغږي او همکار و اوسي. د اتصالات مخابراتي شرکت استازو ژمنه وکړه چې، د ښار د آبادۍ، ښکلا او زرغونتیا په برخه کې به له کابل ښاروالۍ سره مرسته کوي، ځکه دا د ټولو ګډ مسئولیت دی