د ښاري ښکلا او د زرغونو سیمو د پراختیا په موخه، د کابل ښاروالۍ د زرغونتیا ریاست له لوري د کانتیننتل هوټل په انګړ کې د زرغونتیا ریاست د رئیس مولوي عبدالوکیل متوکل او د یاد هوټل د رئیس مولوي ضیاالحق په ګډون سلګونه نیالګي کېنول شول. د زرغونتیا رئیس وویل چې، دغه نیالګي د کانتیننتل هوټل د ریاست په غوښتنه د کابل ښاروالۍ له لوری چمتو او کېنول شول. نوموړي زیاته کړه چې، د کابل ښار دبیلابیلو سیمو زرغونتیا پراختیا مومي او اړتیا ده چې، ادارې او ښاریان د کابل ښاروالۍ د زرغونتیا پلانونو په پلي کولو کې له یادې ادارې سره مرسته وکړي. د کانتیننتل هوټل رئیس ژمنه وکړه چې، له کېنول شویو نیالګیو څخه به په دوامداره توګه ساتنه او پالنه کوي