په تېرو څو ورځو کې د پغمان د بېلابېلو سیمو د اوسېدونکو په مرسته، د څوارلسمې ناحیې د مسوولینو له خوا له ۲۰۰۰ څخه ډیر نیالګي کینول شوي دي. د څوارلسمې ناحیې مرستیال قاري محمود محمد زاده په دې اړه وویل: دغه نیالګي د پغمان په عمومي باغ، ګلدانونو، په تفریحي سیمو او ښوونځیوکې کینول شوي دي. نوموړي زياته کړه، د پغمان دبیلابیلو سیمو دزرغونتیا په برخه کې د یادې سیمې د اوسیدونکو ونډه د پام وړ ده. همدا راز دسیمو اوسیدونکو ژمنه وکړه چې، د نیالګیو او ونو د خړوب په بر خه کې به له کابل ښاروالۍسره په دوامداره توګه مرسته کوي. د نيالګيو ايښودلو د کمپاين په ترڅ کې د ښوونځيو زده کوونکو ته هم سپارښتنه وشوه چې، د خپلو نیالګیو او ونو په ساتنه او پالنه کې پاملرنه وکړي