د نرخونو د کنټرول او له احتکار څخه د مخنیوي کمیسیون له لوري، د اتمې، نهمې او شپاړلسمې ناحیو اړوند بازارونو کې د لومړنیو توکو له نرخونو څخه څارنه وشوه او له یو شمېر سرغړونکو هټیوالو سره قانوني چلند وشو. پلورونکو ته سپارښتنه وشوه چې، له احتکار او په لوړه بیه د توکو له پلورلو څخه ډډه وکړي. د څارنو په لړ کې د توکو پلورونکو ته په ټینګار سره وویل شول چې، نرخنامه لیدو وړ ځای کې نصب کړي. د یادونې وړ ده چې، د څارنو په لړ کې د یو شمېر هټیوالو بېلونه هم وکتل شول. د سرغړونې په صورت کې به له پلورونکو سره جدي قانوني چلند کیږي