د نیالگیو کېنولو کمپاین پر دوام د یو لړ مراسمو په ترڅ کې د اوومې ناحیې په بېلابېلو سیمو کې سلګونه نیالګي کېنول شول. د اوومې ناحیې رئیس مولوي عبدالغفور وویل چې، د یادې ناحیې د زرغونو سیمو پراختیا ته پاملرنه کیږي، څو په دې توګه د ښاري سیمو ښکلا ډېره شي. د کمپاین له پیل څخه تر اوسه د ښاریانو په مرسته د یادې ناحیې په بېلابېلو ګذرونو کې شاوخوا دوه زره نیالګي کېنول شوي دي. د اوومې ناحیې اوسېدونکو ژمنه وکړه چې، د کېنول شویو نیالګیو په خړوب او ساتنه کې به له کابل ښاروالۍ سره مرسته کوي