په کابل کې د سړک جوړونې د یو شمېر پروژو په وړاندې د شته ستونزو د حل په موخه. د کابل ښاروال مولوي عبدالرشید په مشرۍ تخنیکي غونډه ترسره شوه. په دې غونډه کې چې، د کابل ښاروالۍ تخنیکي او فني مسئولانو ګډون کړی وو، د تداکارتي پړاوونو آسانه کولو، د تخنیکي سندونو برابرولو، د حقوقي ستونزو او نورو اړوندو مسایلو په اړه بحث او خبرې وشوې او اړینې پرېکړې ترسره شوې. کابل ښاروال اړوندو مسئولانو ته سپارښتنه وکړه چې، د پروژو په پلي کولو کې دې له هیڅ راز هلوځلو څخه ډډه و نه کړي او هرڅه ژر دې د نیم ګړو پروژو چارې پیل کړي. ټاکل شوې ده د کابل ښار د معیاري ودې او پراختیا په موخه ،د سړک جوړولو د لسګونو پروژو چارې پیل شي