د کابل ښاروالۍ له خوا او د ملګرو ملتونو د پروژوي خدمتونو د دفتر (UNOPS) په مالي ملاتړ، د ۱۲۰ زره امریکايي ډالرو په لګښت د کابل ښار پنځمې ناحیې اړوند په لسم ګذر کې د یوه فرعي سړک د جوړولو چارې پیل شوې. د پنځمې ناحيې مرستيال رفيع الله احمدزي په دې اړه وويل، چې دغه فرعي سړک به د کمپنۍ سړک او د خوشحال خان مېنې د (ج) برخې تر منځ د( ٦١٠ ) مترو په اوږدوالي او (۶) مترو په سور سره به د سړک غاړې لښتیو په ګډون جوړ شي. د دغه سړک په جوړېدو سره به د سیمې اوسیدونکو پر وړاندې دموسمي ستونزو له حل سربیره، ترانسپورټي او ټولنیزې آسانتیاوې هم رامنځته شي. د یادولو وړ ده چې، د دغې پروژې په پلي کیدو سره ،ګڼ شمیر ښاریانو ته د کار زمینه هم برابره شوې ده