د قلعه زمان خان د ۶۰ متره سړک د منځ ګلدان د زرغونتیا په موخه، د کابل ښاروالۍ د زرغونتیا ریاست له خوا په سلګونو نیالګي کېنول شول. دزرغونتیا رئیس مولوي عبدالوکيل متوکل وويل، چې تر دې مخکې دغه ګلدان د سړک د ودانیزو توکو پر سر جوړ شوى و، چې د بوټو جرړو (ریښو) ته یې اوبه نه رسیدې. ښاغلي متوکل په ډاګه کړه، چې د نيالګيو له ايښودلو مخکې د کابل ښاروالۍ د زرغونتیا رياست د يو متر په ژوروالي ددغه ګلدان منځ کې کېندنه کړې او هم يې کرنيزه خاوره په کې اچولې ده. د یادولو وړ ده چې، د قلعه زمان خان د ۶۰ متره سړک په اوږدو کې، ۸۰۰ نیالګي کېنول شول چې له ډلې یې ۶۰۰ نیالګي د (ادا) روغتیایي دفتر د کارکوونکو لخوا مرسته شوي دي