د ښاري اقتصادی شورا د پریکړی له مخې په ښار کې د نظم او آسانتیاوو رامنځته کولو پخاطر تیره پنجشنبه د ټکسي چلولو طرحې په اړه لومړنی غونډه د کابل ښاروالۍ سرپرست پوهنیار عبدالله حبیب زی په مشری جوړه شوه.
په دي غونډه کې چې د ترانسپورت وزارت،کابل ترافیکو مدیریت او کابل ښاروالۍ د ترانسپورت برخې پوهانو ګډون کړی وو،کابل ښاروالۍ سرپرست د ټکسي چلولو په یو منظم او کم لږښته سیستم جوړولو ټینګار وکړ، د کورنیو پانګونو وده، او د ښاري نظم رامنځته کول یې د کابل ښاروالۍ له لومړیتوبونو یاد کړل.
کابل ښاروالۍ سرپرست هیله څرګنده کړه، چې خصوصی سکتور له لوړ ظرفیت سره، له نوی تکنالوژي نه په ګټه اخیستني سره د ریزرو او ځانګړی سافټ ویر نه په استفادي سره چې په مبایل کې ځاي په ځاي کیږی د چوپړونو وړاندې کولو ته چمتو وي، او د آزادو سیالیو له لارې په دي لړۍ کې ګډون وکړئ، ترڅو له یوی خوا ښاري نظم رامنځته شي او له بلي خوا ښاریانو ته ښاري فرصتونه او ښاري آسانتیاووی چمتو شي.
په کابل ښار کې د ټکسي چلولو طرحې په اړه لومړنی غونډه ترسره شوه