د کابل ښاروالۍ د زرغونتیا رياست، د ښاري سیمو دزرغونتیا په موخه، له دهمزنګ څخه تر دارالامان پورې د سړک منځ ګلدانونوکې د بېلابېلو ډولونو سلګونه نيالګي کېنول. د کابل ښاروالۍ د زرغونتیا ریاست مرستیال سراج الدین پټان په دې هکله وویل: د دغه ریاست له قوریو څخه د روزل شویو نیالګیو سربېره، د رسیز فرهنګي او ټولنیز بنسټ له خوا د ښار په زرغونتیا کې د برخې اخیستنې په موخه، (۱۰۰) نیالګي هم مرسته شوي چې، په معیاري توګه کېنول شوي او په دوامداره توګه به ترې ساتنه وشي. نوموړي له کابل ښاریانو غوښتنه وکړه چې، د زرغونو سیمو د ساتنې او نیالګیو ته پر وخت اوبه ورکولو په برخه کې له کابل ښاروالۍ سره مرسته وکړي او خپل ټولنیز او دیني مسئولیت دې ادا کړي