د کابل په پولي تخنیک پوهنتون کې د بېلا بېلو ادارو مسئولینو، استادانو او زده کړیالانو په ګډون د ( زرغون میراث) تر نامه لاندې د نیالګیو کېنولو کمپاین ترسره شو. په دغو مراسمو کې د کابل ښاروالۍ د زرغونتیا رئیس مولوي عبدالوکیل متوکل په خپلو خبرو کې د نیالګیو او زرغونو سیمو د اهمیت په اړه خبرې وکړې او ویې ویل: کابل ښاروالي به د ښار په کچه خپل د زرغونتیا پلانونه د ښاریانو په مرسته په ښه توګه پلي کړي. نوموړي غوښتنه وکړه چې، استادان او زده کړیالان به د زرغونو سیمو د پراختیا په برخه کې خپلې طرحې له دوی سره شریکې کړې ترڅو یې پر بنسټ د ښایسته او زرغون کابل شاهدان و اوسو. دغه راز د پولي تخنیک پوهنتون استادانو ژمنه وکړه چې، د زرغونتیا په برخه کې د تخصصي او علمي څېړنو سربېره به، د نیالګیو کېنولو په برخه کې له کابل ښاروالۍ همکار وي ترڅو وکولای شو ښایسته او سمسور کابل رامنځته کړو
د پولي تخنیک په پوهنتون کې د ( زرغون میراث) تر نامه لاندې د نیالګیو کېنولو کمپاین ترسره شو