د ټولنې د پراختیا لپاره د آریانا بنسټ د اتمې ناحیې په اړوند سیمو کې د (۳۰۰) نیالګیو په کېنولو سره د ښار په زرغونتیا کې برخه واخیسته. د اتمې ناحیې رئیس مفتي روح الله عثماني په دې اړه وویل:د ښار په زرغونتیا کې د یاد بنسټ له برخې اخیستنې څخه موخه، ښاریان د نیالګیو کېنولو او ساتلو ته هڅول دي او ددغه بنسټ له خوا مرسته شوي نیالګي د کارته نو په تپه کې په معیاري توګه کېنول شول او هیله کیږي ترڅو ښاریان د زرغونو سیمو د پراختیا په برخه کې له کابل ښاروالۍ سره همکار و اوسي. ورته مهال د یاد بنسټ استازي ژمنه وکړه چې، په نورو ناحیو کې به هم د نیالګیو کینولو په برخه کې مرسته وکړي. د یادونې وړ ده چې، د کابل ښاروالۍ مشرتابه د ښاریانو له داسې نیکو کړنو ستاینه کوي