د لومړۍ ناحیې د لومړي ګذر ښاریانود تمیم انصار ښوونځي په انګړ او پارک کې د ۱۵۰ نیالګیو په کېنولو سره د ښار په ښکلا او زرغونتیا کې برخه واخیسته. د یادې ناحیې رئیس مولوي محمد عالم عاصم د دوی له دې نیک احساس ستاینه وکړه او ویې ویل: نیالګي کېنول ډېر ارزښت لري او اړتیا ده چې، په ساتنه او پالنه کې یې ټول هڅه وکړو. نوموړي زیاته کړه چې، د لومړۍ ناحیې په هغه سیمو کې چې، د زرغونتیا وړتیا لري نیالګي کېنوي او په سمه توګه به یې ساتنه وکړي