په دوه ویشتمه ناحیه کې د نیالګیو کېنولو کمپاین د یادې ناحیې د رئیس مفتي سمیع الله سعید، دیني عالمانو، ګذر وکیلانو او ځوانانو له لوري د نیالګیو په کېنولو سره پیل شو. د دوه ویشتمې ناحیې رئیس ښاریان د ښار زرغونتیا ته وهڅول او ویې ویل: په پلان کې ده ترڅو هغه سیمې چې، د زرغونتیا وړ وي زرغونې کړو او د یادې ناحیې له اوسېدونکو یې وغوښتل ترڅو په خپلو سیمو کې نیالګي کینوي او ساتنه یې وکړي. نوموړي وویل:کابل ښاروالي به خپل د زرغونتیا پلانونه د ښاریانو په مرسته پلي کړي. ورته مهال د سیمې اوسېدونکو ژمنه وکړه چې، د خپلو سیمو په زرغونتیا کې به له کابل ښاروالۍ سره مرسته وکړي. د یادونې وړ ده چې، د دستوخیل خیره بنسټ د رئیس سید الرحمن له لوري د ۲۲مې ناحیې د بېلابېلو سیمو د زرغونتیا په موخه، (۱۶۰) میوه لرونکي نیالګي، او د سیداګل په نامه د یوه بل ښاري له لوري د ناجو (۱۰۰) نیالګي مرسته شوي دي