د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته، د اوولسمې ناحیې اړوند د ۵۰م ګذر د سولې په ښارګوټي کې د دوو فرعي سړکونو د جوړولو چارې روانې دي. د کابل ښاروالۍ د برنامو او پروژو د تنظیم ریاست د معلوماتو پر بنسټ؛ دغه فرعي سړکونه په ټولیزه توګه (۵۷۰) متره اوږدوالی او (۶) متره سور لري چې، د لښتیو او کوچنیو پلونو په ګډون د جوړېدو په حال کې دي. د دغو سړکونو په جوړېدو سره به د سیمې د اوسېدونکو ګڼ شمېر چاپېریالي او ښاري ستونزې حل شي. د یادونې وړ ده چې، په دغه پروژه کې هره ورځ (۱۰۰) کسانو ته د کار زمینه هم برابره شوې ده