! د څلورمې ناحيې د لومړۍ ګذر اړوند د تايمني پروژې په سيمه کې د يوه تفريحي پارک د جوړولو چارې چې، څه موده وړاندې د کابل ښاروالۍ له خوا او د ملګرو ملتونو د پروژوي خدمتونو د دفتر په همکارۍ پيل شوې وې، روانې دي. د ښاري ښکلا او ښاریانو ته د آسانتیاوو رامنځته کولو په موخه؛ په دغه پارک کې چې، (۱۰) زره متره مربع مساحت لري، د احاطې دیوال، پلولارو ،د چمن کرل، د نیالګیو او ګلانو اېښودل شامل دي چې، چارې به یې د کابو (۴) میاشتو په موده کې، د (۱۵) میلیونه افغانیو په لګښت بشپړې شي. د دغې پروژې له لارې یو شمېر ښاریانو ته کاري زمینه هم برابره شوې ده. د یادولو وړ ده چې، له دې وړاندې د دغه پارک د ځمکې له یوې برخې څخه؛ یو شمیر ښاریانو ناوړه ګټه پورته کوله، چې د دوی د دغه کار مخه ونیول شوه او د زرغونتیا او ښکلا په اړه یې اقدام وشو