د کابل ښار د دوامداره ودې او معیاري پراختیا په موخه، د ماسټر پلان له مخې له دارالامان ماڼۍ څخه تر ګل باغ پله پورې سړک د لومړۍ برخې پر وړاندې د شته خنډونو د پاکولو چارې روانې دي. د کابل ښاروالۍ د برنامو او پروژو د تنظیم ریاست د معلوماتو پر بنسټ؛ د یاد سړک لومړۍ برخه د اوومې ناحیې په اړوند سیمو کې (۳۲۰۰) متره اوږدوالی او (۳۳) متره سور لري چې، د لښتیو، ګلدانونو، پلو لارو، د بایسکل چلولو لیکو او د څراغونو په ګډون یې لومړني کارونه پیل شوي او اساسي چارې به یې د (۱۴) میاشتو په موده کې بشپړې شي. دغه سړک چې د کابل لوېدیځه برخه له سویل سره نښلوي، په راتلونکې کې به یې تر کابل- لوګر سړک پورې پاتې برخه هم جوړه شي چې، له یوې خوا به د سیمې اقتصادي ودې ته زمینه برابره شي، او بل خوا به د کابل- لوګر سړک ترافیکي ګڼه ګوڼه کمښت ومومي