ښاریانو ته د ښاري او سیمه ییزو آسانتیاوو د رامنځته کولو په موخه، د پنځمې ناحیې اړوند ۳۸م ګذر د ده عربانو په کاریز کهنه سیمه کې د کوڅو جوړولو چارې د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته پیل شوې. په یاده سیمه کې د کوڅو جوړولو پروژه چې، په ټولیزه توګه (۸۴۴) متره اوږدوالی او(۴) متره سور لري، د لښتیو په ګدون به د (۳) میاشتو په موده کې په اساسي توګه بشپړه شي. له ښاري آسانتیاوو څخه د محرومو سیمو د اوسیدونکو د ستونزو د حل، او کاري فرصتونو د رامنځته کولو په موخه به، ورته نورې پروژې هم د ښار په بیلابیلو ناحیو کې طرحه او پلې شي