د زرغونو سیمو د پراختیا او د ښاري ښکلا رامنځته کولو په موخه، د کابل ښاروالۍ د زرغونتیا ریاست له لوري د اتمې ناحیې اړوند د کارته نو سړک په ګلدانونو کې د ناجو(۵۵۰) نیالګي کېنول شول. د اتمې ناحیې رئیس مفتي روح الله عثماني په دې هکله وویل: د زرغونو سیمو د پراختیا او ښکلا لپاره هڅې روانې دي ترڅو د یادې ناحیې په ښاري ښکلا کې ډیروالی راشي. ښاغلي عثماني د اتمې ناحیې د اوسېدونکو په استازیتوب ژمنه وکړه چې، د دې ناحیې د اوسېدونکو په مرسته به له زرغونو سیمو او ونو څخه په ښه توګه ساتنه او پالنه وکړي. ورته مهال د زرغونتیا ریاست د زرغونتیا آمر احسان الله نثار وویل: دغه (۵۵۰) نیالګي چې، د یادې ناحیې د یو شمېر اوسېدونکو له لوري مرسته شوي دي، د کارته نو تپې په سر او د لومړي سړک په ګلدانونو کې به په معیاري توګه کېنول شي. نوموړي زیاته کړه چې، ټاکل شوې ده د دغه سړک د زرغونو سیمو د پراختیا په موخه، نور زینتي بوټي او نیالګي هم کېنول شي