د ښاري ښکلا او سمسورتیا د رامنځته کولو په موخه، د کابل ښاروالۍ د زرغونتیا ریاست له لوري د کابل ښار په بېلابېلو ناحیو کې د مرسل زینتي ګلانو د کېنولو چارې روانې دي. د کابل ښاروالۍ د زرغونتیا رئیس مولوي عبدالوکیل متوکل د کمپنۍ سړک په ګلدان او نوروز پارک کې د یادو ګلانو د کېنولو پر مهال وویل: دغه ګلان د زرغونتیا ریاست په قوریو کې روزل شوي دي چې، په معیاري توګه به کېنول شي. نوموړي له ټولو ښاریانو غوښتنه وکړه چې، د نیالګیو، ونو او زرغونو سیمو د ساتنې په برخه کې له کابل ښاروالۍ سره مرسته وکړي؛ ځکه د زرغونتیا ریاست کارکوونکي په یوازې توګه نشي کولای د کابل ښار د ټولو زرغونو سیمو ساتنه او پالنه وکړي