د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته، د پنځمې ناحیې په ۱۴م ګذر کې د کوڅو جوړولو چارې روانې دي. د کابل ښاروالۍ د پروژو اوبرنامو د تنظیم ریاست د معلوماتو پر بنسټ؛ دغه پروژه په ټولیزه توګه (۹۵۰) متره اوږدوالی او (۴) متره سور لري چې، تر اوسه یې (۵۰) سلنه چارې مخته تللې دي او تر راتلونکې یوې میاشتې پورې به بشپړې او ورسره جوخت به د سیمې ګڼ شمېر چاپېریالي او ښاري ستونزې حل شي. د یادونې وړ ده چې، په دغه پروژه کې یو شمېر هېوادوالو ته د کار زمینه هم برابره شوې ده