د کابل ښاروالۍ د زرغونتیا ریاست له لوري، د څلورمې ناحیې اړوند څارندوی بلاکونو ته مخامخ د سړک په ګلدان او د یوولسمې ناحیې اړوند د قلعه نجارها په بېلابېلو سیمو کې د مرسل زرګونه زینتي ګلان کېنول شول. د کابل ښاروالۍ د زرغونتیا ریاست د مسئولینو په وینا؛ د کابل ښار د ښکلا او د زرغونو سسیمو د پراخولو په موخه، اوس مهال په وزیر آباد پارک، د سرسبزي څلورلارې، سلطان محمود غزنوي، د تایمني پروژې او د خیرخانې مېنې د (ج) برخې د سړکونو په ګلدانونو، سید الناصري پارک او د مریم لیسې سړک په اوږدو کې د زروګونو زینتي ګلانو د کېنولو چارې روانې دي. دغه ګلان د زرغونتیا ریاست د کارکوونکو له لوري د یادو سیمو د ښکلا په موخه، په معیاري توګه کېنول کیږي. هیله ده چې ښاریان د دغو ګلانو او نورو زرغونو سیمو په ساتنه او پالنه کې له کابل ښاروالۍ سره مرسته وکړي