د زرغونو سیمو د پراختیا او د ښاري ښکلا رامنځته کولو په موخه، د کابل ښاروالۍ د زرغونتیا ریاست له خوا د ۱۱مې ناحیې اړوند د مريم لېسې په پارک کې د مرسل سلګونه ګلان کېنول شول. د کابل ښاروالۍ د زرغونتیا ریاست مرستیال سراج الدین پټان په دې هکله وویل: په دغه پارک کې د زینتي ګلانو سربېره، ډول ډول نیالګي کېنول شوي او چمن ته به یې هم پراختیا ورکړل شي، څو په یوه ښکلي او معیاري پارک بدل شي. ښاریانو ته په کار ده چې، د زرغونو سیمو په ساتنه او پالنه کې د کابل ښاروالۍ د زرغونتیا ریاست له کارکوونکو سره مرسته وکړي. ځکه دغه ریاست نه شي کولای په یوازې توګه د ټولو زرغونو سیمو او پارکونو ساتنه او پالنه وکړي